Tuesday, 6 March 2012

Tere naam ka simran karke mere man mein sukh bhar aaya

Tere naam ka simran karke mere man mein sukh bhar aaya.
Teri kripa ko maine paya, teri daya ko maine paya.

Duniya ki thokar khakar, jab hua kabhi besahara.
Na paya apna koi, tab maine tumhe pukara.

Hey naath mere sir upar, tune amrit barsaya
Teri kripa ko maine paya, teri daya ko maine paya. 

Tu sang mein tha nit mere, yeh naina dekh na paaye.
Chanchal maya ke rang mein yeh naina rahe uljhaye.

Jitni bhi baar gira hoon, tune pal-pal mujhe uthaya.
Bhav-saagar ki leharon mein bhatkai meri naiya.

Tat chuna bhi mushkil tha, nahin tha koi aur khiwaiya
Tu lehar bana saagar ki, meri naav kinare laya 
Teri kripa ko maine paya, teri daya ko maine paya. 

Har taraf tumhi ho mere, har taraf tera ujiyara.
Nirlap Prabhu Ji mere, har roop tumhi ne dhara.

Teri sharan mein aake data, maine jeevan apna sawara
Teri kripa ko maine paya, teri daya ko maine paya.

No comments:

Post a Comment