Monday, 31 December 2012

Disclaimer

Disclaimer: - All AMRITBANI/ BHAJAN/ MESSAGES/ knowledge information/ video/ others etc. are not written/ taken by me unless noted.They all come from different sources such as google search, several websites, books and forums. Blog owner hold no responsibility for any illegal usage of the content.If anyone have see the copyrighted content or objectable content on this blog then viewer's can say to blog owner through comments, the content will be removed from this blog immediately.Thanks.

Friday, 19 October 2012

Maiya Saath Nibhana

Maiya saath nibhana - Maiya saath nibhana
Hum to papi janam-janam ke humko na thukrana
Maiya saath nibhana.

Sab bhakton ne dhyan lagakar tera bhawan banaya
Havan rachakar chowk poora kar, jagrata karwaya
Bhai-Bhandu sab milkar Mata tujhko aaj manaye
Jyoti jagakar phool chhadakar nariyal bhenth chhadaye
Maiya saath nibhana.

Maa tum ho jag taarane vali kitni bholi-bhali
Jo bhi tere dwar aaye bharti jholi khali
Ek abhaga tujhko Mata nisdin sheesh jhukaye
Har aathe ko jagraton ko tera hi gunn gaye.
Maiya saath nibhana-Maiya saath nibhana.

Maiya Ji Ka Lifafa

Maiya Ji ke bhawan se aaya lifafa
Khabar mujhe suna jana
Are meri Maa ka haal bata jana.

Aajkal kya karti hai Maiya
Kis raste se guzarti hai Maiya
Rasta mujhe dikha jana.
Are mujhe Maa ka haal bata jana.

Aajkal kya khati hai Maiya
Kis sawari par virajati hai Maiya
Mann ka brahm mita jana.
Are mujhe Maiya ka haal bata jana.

Aajkal kahan rehti hai Maiya
Apna kise batati hai Maiya
Uska naam bata jana.
Are mujhe Maa ka haal bata jana.

Aajkal kya pehanti hai Maiya
Kis Devi sang rehti hai Maiya
Shraddha bhakti jaga jana
Are mujhe Maa ka haal bata jana.

Aajkal kahan soti hai Maiya
Kispe khush hoti hai Maiya
Aur kuch na chahiye hamein.
Are mujha Maa ka haal bata jana.

Thursday, 18 October 2012

Tumhara Pyar Na Ruthe, Kabhi Darbar Na Chhuthe

Kitna sundar, Mamta rupi, hai Maa ka darbar
Hum par yunh hi sada barasta rahe tumhara pyar
Tumhara pyar na ruthe, kabhi darbar na chhuthe.

Hum hai papi balak, tum patit pavani mai
Door karo Maa dukhade sangata dware par aai
Daras dikha do mamtamai Maa, de do aaj dular.
Tumhara pyar na ruthe, kabhi darbar na chhuthe.

Tere angan khele Maa suraj-chand sitare
Brahma, Vishnu, Shiva Shankar tera hi dhyan lagate.
Sabki raksha karna Maiya, karte hai ardas.
Tumhara pyar na ruthe, kabhi darbar na chhuthe.

Meri Bigadi Bana Do Meri Mata

Maiya aaya tere dwar, kar lo bhenth meri sweekar
Meri begadi bana do meri Mata.

Mujhe kasht mile hai Maa itne, hai gagan mein sitare yeh jitne
Sun lo meri karun pukar, kar lo bhenth meri sweekar.
Meri bigadi bana do meri Mata.

Meri beech bhavar mein naiya, Maa ban ja tu iski khiwaiya
Kar do mera beda paar, kar lo bhenth meri sweekar.
Meri bigadi bana do meri Mata.

Tere bhakton ne jab bhi bulaya
Tune dala hai anchal ka saaya
Teri mahima aprampar kar lo bhenth meri sweekar.
Meri bigadi bana lo meri Mata.

Maa tu hi hai mera sahara, meri manzil ka tu hi kinara
Tera laga hua darbar, kar lo bhenth meri sweekar.
Meri bigadi bana do meri Mata.

Wednesday, 17 October 2012

Hello Haye Chhodiye Jai Mata Di Boliye

Hello haye chhodiye Jai Mata Di boliye
Tata bye chhodiye Jai Mata Di boliye.

Maiya ka dar sabse sundar sabse pyara dham hai
Jagdambe Mata ka jag mein sabse uccha naam hai.
Isse nata jodiye Jai Mata Di boliye.

Ek baar jo sacche man se maa ka naam dhiyayega
Bholi-Bhali Maiya se woh mann chaha fhal payega
Jhoothe bandhan todiye Jai Mata Di boliye.

Maiya Ji ke naam ki mahima jis-jis ne bhi gai hai
Maiya Ji ke dil mein usne apni jagah banai hai
Dil na mera todiye Jai Mata Di boliye.

Good Morning-Good Night sab chhodo bolo Jai Mata Di
Jitne bhi hai Maa ke pyare bhakton bolo Jai Mata Di
Apni zid ko chhodiye Jai Mata Di Boliye.

Teri kripa se mere ghar hua lal mata sherawaliye

Teri kripa se mere ghar hua lal, mata sherawaliye
Pooja karte beete barah saal, mata mehrawaliye.
Teri kripa se...

Ek tu hare maa parai peedh ko
Man mein basaye teri tasveer ko
Tere bina kaise koi kar de kamal
Re pahadawaliye.
Teri kripa se...

Humne bhi bhakti teri chhodi nahi roj
Tere karan zindagi mein aai nai mauj
Dukhiya ka tune rakh liya khayal
Mata sherawaliye.

Hat Ja Tau Pacche Ne, Maiya Nu Bhenth Chadavan De

Are hat ja
Are hat ja
Hat ja tau paache ne, Maiya nu bhenth chadavan de
Jammu se main Katra aaya
Baandh Ganga mein khoob nahaya.
Lal chunariya Maiya ko, tau manne udawan de.
Are hat ja tau
Are hat ja tau...

Charan paduka darshan karke
Paudi-Paudi upper chhadke
Maa ke jaikare lake ne, ruthi Maiya manavan de.
Are hat ja tau
Are hat ja tau...

Garbh june le ardhakwari
Gufa se guzare sab nar-nari
Dhawaja nariyal leke ne, manne bhawan ko jawan de.
Are hat ja tau
Are hat ja tau...

Haathi mattha chhadke jau
Thoda sa parsad bhi paun
Maiya Sheron wali ke tu mujhko darshan pawan de.
Are hat ja tau...

Bhairon Baba ke darshan pake
Apni yatra safal banake
Ganchani aaj bitha ke ne, bhenth mujhko gaavan de.
Are hat ja tau
Are hat ja tau...

Monday, 15 October 2012

Maiya apne charano se humko na juda karna

Maiya apne charano se humko na juda karna
Jab yaad teri aaye darshan dene ki kripa karna.

Majhdar padi naiya, nahin kheni wala koi
Mujhe ek sahara tera mera jag mein nahin koi
Maiya naiya bankar mohe paar kiya karna.
Jab yaad teri aaye darshan dene ki kripa karna.

Naa main tapsi na gyani na main yogi na dhayani
Tum maat-pita meri main balak agyani
Bhoolon ko meri maiya tum dil se bhula dena
Jab yaad teri aaye  darshan daine ki kripa karna.

Fariyad karun tumse vinati meri sun lena
Mujh nirbal bacche ko thoda bal de dena
Fariyad meri sunke mooh thaam liya karna.
Jab yaad teri aaye darshan daine ki kripa karna.

Woh sur kahan se lau, meri maa se jo mila de

Woh sur kahan se lau, meri maa se jo mila de
Woh bhent kahan se lau, maa ka daras kara de.

Rehne de mujhko apne charano ki khaak bankar
Tere bagair maiya hoga nahin guzara.

Dar-dar bhatak-bhatak kar, tera dwar mil gaya hai.
Na satao ab to maiya, meri jindagani bachalo.

Darshan se tere maiya milta hai chain mujhko
Yahi aas leke tere, darbar mein pada hoon.

Maiya naiya paar lagana

Maiya naiya paar lagana
Aur humko na thukrana
Maiya naiya paar lagana.

Tera balak tujhe pukare
Sar patak-patak kar maare
Maiya usko gale lagana
Aur humko na thukrana
Maiya naiya paar lagana.

Tere darr ek nanha roye
Aansuoon se nain bhigoye
Baki bigadi baat banana
Aur humko na thukrana
Maiya naiya paar lagana.

Tu dusht ko sanghare
Bhakton ko maiya taare
Mujhe apna das banana
Aur humko na thukrana
Maiya naiya paar lagana.

Karle Mata ka darshan tu tere paap sabhi mit jayenge

Karle Mata ka darshan tu, tere paap sabhi mit jayenge
Jo kaam adhure pade hue waah sab poore ho jayenge...

Sera wali ko jo bhi dhiyayega
Moohmangi muradein payega
Mata ko bhent chhada dena
Tere sapne sach ho jayenge.
Jo kaam adhure pade hue waah sab poore ho jayenge.

Jab-Jab bhakton par bheer padi
Maa ne bhakton ki laaj rakhi.
Hoja Maa ka tu deewana
Tere paap sabhi mit jayenge.
Jo kaam adhure pade hue waah sab poore ho jayenge.

Maa bigadi teri bana degi
Tujhe manzil tak pahucha degi.
Manzil par jab tu pahuchega
Mata ke daras mil jayenge.
Jo kaam adhure pade hue waah sab poore ho jayenge.

Bhajan meri ambe ka karte rahoge

Bhajan meri ambe ka karte rahoge
To sansar sagar se tarte rahoge

Maiya milegi beshak kisi din
Jo satsang path se gujarate rahoge

Chhadoge sabhi ke hirday mein ek din
Jo abhimaan giri se utarte rahoge

Na hoga kabhi kalesh mann mein tumhare
Jo apni burai se darte rahoge

Chalak hi padega meri maat ka din
Jo drig bindu se roj bharte rahoge
Bhajan meri ambe ka karte rahoge.

Navraton ka aaya basera...

Navraton ka aya sabera
Dar pe bhakton ne dala hai dera
Maa ke mandir mein humko hai jana
Laung, nariyal batase hai chadana
Jaagi jyoti mita hai andhera
Dar pe  bhakton ne dala hai dera.

Maa ke haath pe mehandi rachi hai
Tan par lal chunariya saji hai
Ucche parvat par maa ka basera
Dar pe bhakton ne dala hai dera.

Maiya aakar ke daras dikhao
Apne charano ka sevak banao
Barse mandir mein phool ghanera
Dar pe bhakton ne dala hai dera.

Thursday, 9 August 2012

Mohan Hamare Madhuban Mein Tum Aaya Na Karo


Mohan Hamare Madhuban Mein Tum Aaya Na Karo
Jadoo Bhari Yeh Bansuri Bajaya Na Karo.

Surat Tumhari Dekh Ke Saloni Saawari
Sun Bansuri Ki Raag Ko Hum Ho Gai Bawari
Makhan Ko Churane Wale Dil Churaya Na Karo.

Mathe Mukut Galmaal Kati Mein Kaachani Sohe,
Kaanon Mein Kundal Jhumke Mann More Ko Mohe,
Is Chandrama Ke Roop Ko Lubhaya Na Karo.

Apni Yasoda Maat Ki Saughand Hai Tumko
Yamuna Nadi Ke Teer Pe Tum Na Milo Humko
Is Bansuri Ki Taan Pe Bilmaya Na Karo.

Isi Tumhari Bansuri Ne Mohini Dari
Chand Sakhi Ki Binti Tum Suniyo Banwari,
Daras Dikha De Saawara Ab Dair Na Karo.

Kanhaiya-Kanhaiya Pukara Karenge.


Kanhaiya-Kanhaiya Pukara Karenge
Lataon Mein Brij Ki Guzara Karenge,
Kanhaiya-Kanhaiya Pukara Karenge.

Kahin To Milenge, Woh Banke Bihari,
Unhi Ke Charan Chitt Lagaya Karenge
Kanhaiya-Kanhaiya Pukara Karenge.

Banakar Hirday Mein Hum Prem Mandir
Wahin Unko Jhula Jhulaya Karenge
Kanhaiya-Kanhaiya Pukara Karenge.

Unhein Hum Bithavenge Aankhon Mein, Dil Mein,
Unhi Se Saada Lau Lagaya Karenge,
Kanhaiya-Kanhaiya Pukara Karenge.

Jo Ruthenge Humse Woh Banke Bihari
Charn Padh Unhein Hum Manaya Karenge
Kanhaiya-Kanhaiya Pukara Karenge.

Unhein Prem Dori Se Hum Baandh Lenge,
To Fir Who Kahan Bhaag Jaya Karenge
Kanhaiya-Kanhaiya Pukara Karenge.

Unhone Chhudaye The Gajke Woh Bandhan,
Wahi Mera Sankat Mitaya Karenge
Kanhaiya-Kanhaiya Pukara Karenge.

Unhone Nachaye The Brahmand Saare
Magar Ab Unhein Hum Nachaya Karenge
Kanhaiya-Kanhaiya Pukara Karenge.

Bhajenge Jahan Prem Se Nandnandan
Kanhaiya Chhavi Ko Dikhaya Karenge
Kanhaiya-Kanhaiya Pukara Karenge.

Aaj Mohe Laage Vrindavan Niko


Aaj Mohe Laage Vrindavan Niko
Ghar-Ghar Tulsi Thakur Sewa, Darshan Gobind Ji Ko.

Nirmal Neer Behat Jamuna Mein, Bhojan Dudh-Dahi Ko.
Ratan Shinghasan Aap Viraje, Mukut Dhare Tulsi Ko.

Kunjan-Kunjan Fhirat Radhika, Shabd Sunat Murli Ko
“Meera” Ke Prabhu Girdhar Naagar, Bhajan Bina Nar Feko.

Baso Mere Nainan Mein Nandlal.


Baso Mere Nainan Mein Nandlal.

Mohini Murati, Sanwari Surati, Naina Bane Bisaal
Adhar-Sudharas Murli Raajat, Urr Baijanti Maal.
Chhudra Ghantika Kati Tatt Shobhit, Nupur Shabd Rasaal
“Meera” Prabhu Santan Sukhdai, Bhagat-Bachhal Gopal. 

Wednesday, 8 August 2012

Bhajta Kyon Na Re Harinaam, Teri Kaudi Lage Na Chhidaam

Bhajta Kyon Na Re Harinaam, Teri Kaudi Lage Na Chhidaam
Daant Diya Hai Mukhade Ki Shobha, Jeebh Dai Ratnaam.

Naina Diya Hai Darshan Karba, Kaan Diya Sunn Gyan
Paanv Diya Hai Tirath Karva, Haath Diya Kar Daan.

Sharir Diyo Upkaar Karane, Hari-Charna Mein Dhyan
Banda! Teri Kaudi Lagen Chhadaam, Ratata Kya Nahin Re Harinaam

Hari-Hari Bol

Jag Aasar Mein Saar Rasna ! Hari-Hari Bol

Yeh Tann Hai Ek Jarjari Naiya, Keval Hai Harinaam Khivaiya.
Hari Se Naata Jod, Rasna ! Hari-Hari Bol.

Yeh Tann Tujhko Karz Mila Hai, Chukta Tune Kuch Na Kiya Hai
Jag Se Naata Todh Rasna ! Hari - Hari Bol.

Naa Poora Ho Thoda Kar Le, Raam-Naam Hirday Mein Dhar Le
Hari Sumiran Kar Shor, Rasna ! Hari-Hari Bol.

Lakh-Chaurasi Bharam Gamayo, Bade Bhagya Manush Tann Payo
Jaag ! Ho Gaya Bhor, Rasna ! Hari-Hari Bol.

Bol Hari Bol Hari, Hari Bol, Kesav Madhav Govind Bol

Bol Hari Bol Hari, Hari Bol, Kesav Madhav Govind Bol
Naam Prabhu Ka Hai Sukhkari, Paap Katenge Chhad Mein Bhari.

Naam Ka Peele Amrit Ghol, Kesav Madhav Govind Bol
Shabri Aahiliya Sadan Kasai, Naam Japan Se Mukti Pai.

Naam Ki Mahima Hai Betaul, Kesav Madhav Govind Bol
Suva Padhavat Garhika Taari, Bade-Bade Nishivar Sanhari.

Gin-Gin Papi Taare Tol, Kesav Madhav Govind Bol
Narsibhagat Ko Hundi Sikari, Ban Gayo Shawalshah Banwari.

Kundi Apne Mann Ko Khol, Kesav Madhav Govind Bol
Jo-Jo Sharan Pade Prabhu Taare, Bhavsagar Se Paar Utare.

Bande Tera Kya Lagta Hai Mool, Kesav Madhav Govind Bol
Rama Naam Ke Sab Adhikari, Baal Vridha Yuva Nar Naari.

 Hari Jap It-Ut Kabhu Na Dol, Kesav Madhav Govind Bol
Chakradhari Bhaj Har Govindham, Mukridayak Parmanandam.

Hardum Krishna Murari Bol, Kesav Madhav Govind Bol
Ratt Le Mann! Tu Aatho Yaam, Raam Naam Mein Lage Na Daam.

Janam Ganvata Kyon Anmol, Kesav Madhav Govind Bol
Arjun Ka Rath Aap Chalaya, Geeta Kehkar Gyan Sunaya.

Bol, Bol, Hit-Chit Se Bol, Kesav Madhav Govind Bol

Tuesday, 7 August 2012

Suno Shyamsundar vinti hamari

Suno Shyamsundar vinti hamari
Darshan ko aaya daras bhikhari.

Tez bhanwar mein fhas gai naiya, tu hi bata ab kaun khiwaiya
Krishna Kanhaiya Girvardhari, Hey Natnagar Kunjbihari

Hey nath aakar ab to sambhalo, dubati naiya mori paar laga lo
Teri sharan main aaya natvar, tujhe laaj rakhani hogi hamari.

Tujh bin koi na mera jahan mein,  jaun kahan tu hi bata de,
Meri laaj  jaave to jaave bhale hii magar nath hogi hansi tumhari.

Jinke Hiye Mein Harinaam Base

Jinke hiye mein Harinaam base,
Tin aur ka naam liya na liya.

Jinke dware par Ganga bahe
Tin kup ka neer piya na piya.

Jin kaam kiya parmartha ka
Tin haath se daan diya na diya.

Jinke ghar ek sapoot bhavo
Tin lakh kapoot bhaya na bhaya.

Jin mata-pita ki seva kari
Tin teerath vrat kiya na kiya.

'Tulsidas' vichari kahe,
Kapti ko meet kiya na kiya.

Natvar nagar nanda, bhajo re mann Govinda

Natvar nagar nanda, bhajo re mann Govinda
Shyam sundar mukh chanda, bhajo re mann Govinda.

Tu hi natvar, tu hi nagar, tu hi bal mukunda
Sab devan mein Krishna bade hain, jyun tara vich chanda.

Sab sakhiyan mein Radha ji badi hai, jyun nadiya bich Ganga
Druv taare, Prahnad ubare, Narshing roop dharanta.

Kaalideh mein naag jyun naatho, fhad fhad nirat karanta
Vrindavan mein ras rachaiyo, nachat bal mukunda

Meera ke prabhu girdhar nagar, kato jam ka fanda.

Govind Jai Jai, Gopal Jai Jai

Govind Jai Jai, Gopal Jai Jai
Radha-Ramarn Hari, Govind Jai jai.

Brahma ki jai jai, Vishnu ki jai jai
Uma-pati Shiv Shankar ki jai jai.

Radha ki jai jai, Rukmani ki jai jai
Mor mukut Bansi vaare ki jai jai.

Ganga ki jai jai, Yamuna ki jai jai
Saraswati, Triveni ki jai jai.

Rama ki jai jai, Shyam ki jai jai
Dashrath kunwar charon bhaiyon ki jai jai.

Krishna ki jai jai, Laxmi ki jai jai
Krishna-Baldev dono bhaiyon ki jai jai.

Saturday, 14 July 2012

Siye Tum Kahan Ho Hamein Yeh Batao


Siye Tum Kahan Ho Hamein Yeh Batao
Virah Ki Na Lapate Mann Mein Uthao

Hiran Ke Main Jab Peeche-Peeche Gaya Tha
Tumhein Chhodkar Tab Yahan Main Gaya Tha

Tumhi Ne Kaha Tha Woh Hiran Maar Lao
Virah Ki Na Lapate Mann Mein Uthao

Main Ghason Pe Pad-Chaap Bhi Dhundhata Hoon
Main Upvan Ke Har Panchi Se Puchata Hoon

Kahan Ho Siye Piye Kuch To Batao
Virah Ki Na Lapate Mann Mein Uthao

Pavan Batao Kya Kuch Na Kahoge
Kahan Hai Siye Kya Gagan Chup Rahoge

Siye Mamr Peeda Na Itni Badao
Virah Ki Na Lapate Mann Mein Uthao

Friday, 13 July 2012

Nij Path Par Chalane Ko Seekhati Hai Hamein Geeta


Nij Path Par Chalane Ko Seekhati Hai Hamein Geeta
Jagat Ke Paap Se Nisdin Bachati Hai Hamein Geeta

Mahabharat Ke Girdhar Ki Bhari Ismein Amarvaani
Ukhada Mooh Jad Paath Ke Urr Mein Jama Geeta

Fhanse Maya Mein Arjun Ko Diya Hai Karm Path Isne
Hamein Bhi Karm Path Ki Aur Le Jaati Sada Geeta

Sabhi Shlok Hain Iske Haazaron Paap Ke Nashak
Samajh Mukti Ka Sadhan Agar Kuch Hai To Geeta

Roop Bhi Mooh Maya Mein Fhansa Nisdin Bhatakta Hai
Use Bhi Ek Din Alok Dega Yeh Amar Geeta.

Rama Hai Jeevan, Karm Hai Shyam Bolo Hare Rama, Bolo Hare Shyam


Rama Hai Jeevan, Karm Hai Shyam
Bolo Hare Rama, Bolo Hare Shyam

Jo Nar Dukh Mein Dukh Nahin Jaane,
Naahin Kiya Stuti Jaane

Kaam Krodh Jihin Par Se Naahin
Guru Kripa Sohi Nar Sukh Paahin

Sukh Ka Vidhata Hai Tero Naam
Bolo Hare Rama, Bolo Hare Shyam

Koti Dev Jaako Jas Gaavein
Vidhya Koti Paar Na Paavein

Agam Apara Paar Nahin Jaako
Naam Sumir Sab Jan Sukh Taako

Agam Panth Hai Ram Aur Shyam
Bolo Hare Rama, Bolo Hare Shyam

Sunday, 24 June 2012

The To Palak Udhado Denanath, Main Haazir-Naazir Kadki Khadi.


The To Palak Udhado Denanath,
Main Haazir-Naazir Kadki Khadi.

Saajniyaan Dusmarn Hoye Baitya,
Sabne Lagu Kadi.

Tum Bin Saajan Koi Nahin Hai,
Digi Naav Meri Samundra Adi.

Din Nahin Chain Rain Nahin Nindra
Sukhun Khadi Khadi.

Baarn Birah Ka Lagya Hiye Mein,
Bhoolun Na Ek Ghadi

Pathar Ke To Aahiliya Taari,
Banke Beech Padi.

Kaha Bhoj Meera Mein Kahiye,
Sau Par Ek Ghadi.

Aaj Hari Aaye Vidhur-Ghar Pavdaa


Aaj Hari Aaye Vidhur-Ghar Pavdaa

Vidhur Nahin Ghar Thi Vidurani, Aavat Dekh Sarang Paadi
Phuli Ang Samave Na Chintya, Bhojan Kahan Jimavadaa.

Kela Bhot Prem So Layai, Giri-Giri Sab Det Girai
Chilka Det Shyam-Mukh Maanhi, Laage Bhot Suhavadaa.

Itne Maai VidhurJi Aaye, Khare Khote Vachan Sunaye,
Chilka Det Shyan-Mukh Maahi, Kahan Gmai Bhavna.

Kela Liya Vidhur Kar Maahi, Giri Det Girdhar Mukh Maahi,
Kahe KrishnaJi Suno VidhurJi ! Jo Swad Nahin Aavdaa.

Baasi-Kusi, Rukhe-Sukhe, Hum To VidhurJi ! Prem Ke Bhookhe,
Shamboo Sakhi Dhan-Dhan Vidurani, Bhaktan Maan Badavadaa.

Nacche Nandlala, Nachave Hari Ki Maiya


Nacche Nandlala, Nachave Hari Ki Maiya

Mathura Mein Hari Janam Liyo Hai, Gokul Mein Pag Dharo Re Kanhaiya
Runuk-Jhanuk Pag Nu Pur Baaje, Thumuk-Thumuk Pag Dharo Re Kanhaiya.

Dhoto Na Bandhe Jaamo Na Pahere, Pitambar Ko Bado Re Pahraiya
Topi Na Oodhe LalaFhetaan Bandhe, Mor-Mukut Ko Bado Ri Odhaiyaa.

Shaal Na Oodhe, Dushala Na Oodhe, Kaali Kamriya Ko Bado Ri Odhaiyaa.
Dudh Na Bhave Yaave Dahe Na Bhave, Maakhan Mishari Ko Bado Ri Khawaiya.

Khel Na Khele Khilaona Na Khele, Bansari Ko Lala Bado Re Bajaiya,
Chandrasakhi Brajbaal Krishna Chaavi, Hans-Hans Kanth Lagaave Hari Ki Maiya.

Yo Dhanush Bado Vikral, Radhuvar Choto So


Yo Dhanush Bado Vikral, Radhuvar Choto So

Baado Kathin Pran Pita Kiyo, Koi Ranch Na Kiyo Vichar
Kamal Jiso Tan Rama Ro, Yo Dhanush Bajar So Jaan.

Dhanush Chadho Chahe Na Chado, Mhaaro Ram Bhawar Bhartaar
Choti-Choti Mati Kaho, Yo Pooran Brahm Autaar.

Suraj Choto So Laage, Sab Jag Mein Kare Prakash
Raghuvar Chaap Chadavasi, Sakhi! Inmein Fer Na Saar.

Hori Khelan Aayo Shyam, Aaj Yahi Rang Mein Boro Ri


Hori Khelan Aayo Shyam, Aaj Yahi Rang Mein Boro Ri,
Rang Mein Boro Ri Kanhaiya Ko, Rang Mein Boro Ri.

Kore-Kore Kalash Magaayo, Yaame Kesar Ghoro Ri
Mukh Te Kesar Malo, Karo Kaare Te Goro Ri.

Lok Laaj-Marjaad Sabe, Fhagan Mein Toro Ri,
Haath Jod Jab Kare Vinati Tab Yaahe Choro Ri.

Hare Baans Ki Bansuriya, Yahe Toro Maroro Ri,
Chandrasakhi Yon Kahe Aaj, Ban Baithyo Bhoro Ri.

Hori Khelat Hain Girdhari


Hori Khelat Hain Girdhari,
Murli Chang Bajat Dhaf Nyaro, Sang Juvati Brijnari.

Chandan Kesar Chhidkat Mohan, Apne Haath Bihari
Bhari-Bhari Muth Gulal Lal Chahun, Det Saban Pe Daari.

Chhel Chhabile Naval Kahna Sang, Shayama Pran Piyari
Gaavat Char Dhamaar Raag Tahe, De De Kal Kartari.

Fhag Ju Khelat Rashik Saawro, Baadyo Ras Brij Bihari
Meera Ku Prabhu Girdhar Miliya, Mohanlal Bihari.