Friday, 15 April 2011

Jab jab krishna ne bansi bajayee


Jab jab krishna ne bansi bajayee
tab tab Radha mn harshayee
sakhiyo sang ,jamuna tat pahuchi
par kahi dikhe na krishna kanhaii??



natkhat nandgopal chhupe hain
kahi bhi nahi woh humko dikhe hain
Radha mnd mnd muskayee
jaan rahi thi --khel rahe hai
usko yu hi chhed rahe hai




tabhi gwalon ki toli ayee
sakhiya daudi aas lagayee
nahi kahi gopal nahi hai
kyoo hai nishthur bane kanhaii? 




Radha ka mn vyakul aisa
bin chand chakor ke jaisa.
"kanha kanha daras dikhao
murli ki koyee taaan sunao.




jag ko chhoda tumhri khatir
kaisee tumse lagan lagayee.
janmo janmo, yugo yugo
roop dharaa teri kahlayee.



ghar bhi tyaga, sukh bhi tyaga.

Meera ban piya vish ka pyala
phir bhi kyon tum parakh rahe ho
ab toh kanha daras de-- raho . 



Jao ab main bhi na bolu

palkon ke na mai pat kholoon
Rooth gayee to phir na miloongi
bansi ki dhun ,mai na sunoongi





kanha ka ab man vichlit hai
kaise roothi Radha ko manaoo??
"roothho na Radhe tum aise
chhed rahaaa thha mai to waise 



tum sakhi meri ati-priya ho
bansi  adhar (hoth ); tum ,lagi hiya(hriday) ho
ab jo tum yuu--hi roothogi
bansi bhi mujhse roothegi




tum kaho sautan ,chaahe bairan
woh gaaye bas terey karan .
jo tum rooth gayee ho humse
sur uske bhi bhool gaye hain.




jao tyag diya ab usko
tum bin woh bhi raas na aaye
nandanvan mein ab na sunogi
meri bansi ki dhun koyee "




Yeh soon Radha ne palkein kholien 
" rooth kabhi na main sakti hoon
 ab aap sataanaa chhodo humko
murli ki dhun kuchh aisee bajao" 




"charo dishayien khil khil jayein
megh pade hariyali chhaye,
mn tarang se bhar bhar jaye
dharti par khushiyan ghir aayein"





"Ye dhun bas tere hi liye hai

Radha ke bin krishna na bhaye
aisee leela rachi gayee hai
Radha pahle, phir krishna aaye


Radha -krishna Radhe -krisna

bas aise hi har koi gaye. "

No comments:

Post a Comment