Tuesday, 15 June 2010

Jag Mein Sundara hain Do Naam chahe krishna kaho ya ram.


Jag Mein Sundara hain Do Naam

Jag mein sundar hain do naam,
chaahe krishna kaho ya ram,
bolo ram, ram, ram,
bolo shyam, shyam, shyam.

Makhan brij mein ek churaave,
ek ber bhilni ke khaave,
prembhav se bhare anokhe,
donon ke hain kaam,
chaahe krishna kaho ya ram.

Find More Amritbani at http://gurbani-sunny-raj.blogspot.com/

Ek hriday mein prem badhaave,
ek taap santap mitaave,
donon sukh ke sagar hain,
aur donon pooran kaam,
chaahe krishna kaho ya ram.

Ek kans paapi ko maare,
ek dusht ravan sanhare,
donon deen ke dukh harat hain,
donon bal ke dhaam,
chaahe krishna kaho ya ram.

Ek radhika ke sang raaje,
ek janaki sang biraaje,
chaahe seetaram kaho,
ya bolo radheshyam,
chaahe krishna kaho ya ram.

Find More Amritbani at http://gurbani-sunny-raj.blogspot.com/

No comments:

Post a Comment