Sunday, 8 July 2018

Karo Koi Lakh Kareiya Ek Aur Hai...

Karo koi lakh kareiya ek aur hai.
Kareiya ek aur hai, bhakta ko bheedi aur hai.

Kahe Hirnakush marunga Prahlad ne,
Marunga Prahlad ne meri khadag kathor hai.
Kahe Dusshashan sun yeh Dropadhi,
Karunga tan nagan bhuja mein meri zor hai.
Kahe Kansh Vasudev ko nirvansha karu,
Karunga nirvansha Shishupalake sirmor hai.
Raanoji boliyo sun yeh Metarri,
Dau tan zehar-vish yohi mero zor hai.

Meera ke Prabhu Girdhar-Naagar,
Karta ko karaiya ek Nand ko Kishore hai.

Saturday, 7 July 2018

Deenan Dukh haran Dev Santan sukhkaari...

Deenan Dukh haran Dev Santan sukhkaari,
Ajaamil gheegh vyaadh inmein kaho kaun saadh.

Panchi huuko pad padaat Gadika si taari,
Dhruv ke sir chhat det Prahlad ko ubaar let.

Sant hetu baandho Setu lakhpuri jaari,
Tandhul det reejh jaat saagpaat so agayat.

Ginat nahi jhoothe fhal khaate meethe khaari,
Gaj ko jab graah grasyo dushashan cheer khasyo.

Sabha beech krishna krishna draupadi pukaari,
Itne mein Hari aaye gaye vasnan aarudh bhye.

Surdas dware thaado aandharo bikhari.

Friday, 6 July 2018

Tera Ram Ji karenge beda paar udaas mann kahe ko kare

Tera Ram Ji karenge beda paar, udaas mann kahe ko kare.
Naiya tu karde Prabhu ke havale, lehar lehar Hari aap sambhale.
Hari aaphi utare tera bhaar, niraash mann kahe ko kare.

Kabu mein majhdaar usi ke, haaton mein patvaar usi ke,
Baazi jeet levo chahe tum haar, udaas mann kahe ko kare.

Gar nirdosh tujhe kya darr hai, pag pag saathi Ishwar hai,
Zara bhawana se kijiye pukaar, udaas mann kahe ko kare.

Sehaj kinara mil jayega, param sahara mil jayega,
Dori saup de usi ke sab haath, udaas mann kahe ko kare.

Tera Ram Ji karenge beda paar, udaas mann kahe ko kare.

Thursday, 21 June 2018

Gurudev mere jab pass khadeh, main aas karu kiski-kiski...

Gurudev mere jab pass khadeh, main aas karu kiski-kiski,
Jab baah gahi gurudev mile, tab baah gahu kiski-kiski.

Jab nath mere dildaar mile, main khoj karu kiski-kiski,
Jab roop-anoop chhata unki, chhavi aur lakhu kiski-kiski.

Jab preeti appar likhi unki, fir preeti chahu kiski-kiski,
Jab baaki ada hi sada unki, fir preeti chahu kiski-kiski.

Jab daasi hui sharne unki, fir sharan gahu kiski-kiski,
Jab charan-sharan gurudev mile, fir sharan chahu kiski-kiski.

Monday, 18 June 2018

Thakur tum sharnaie aaya..

Thakur tum sharnaie aaya.
Utar gaya mere mann ka sanshey.
Jab te darshan paaya.
Thakur tum sharnaie aaya.

Anbolat mori birtha jaani.
Apna naam japeiya.
Dukh kaate, sukh sehaj samaye.
Anand-Anand gun gaaieya.
Thakur tum sharnaie aaya.

Baah pakad kadi leene apni.
Greh andh-kup te laiya.
Keh ''Nanak" gur bandhan kaate.
Bicharat aan milaieya.
Thakur tum sharnaie aaya.

Wednesday, 13 June 2018

Shadbhangur jeevan ki kalika, Kal pratah ko jaane khili na khili...

Shadbhangur jeevan ki kalika,
Kal pratah ko jaane khili na khili.

Malyachal ki suchi sheetal,
Mand sugandh sameer mili na mili.

Kali, kaal-kutaar liye fhirta,
Tann narm se chot chhili na chhili.

Keh le Hari naam ari rasna,
Fir ant samay mein hili na hili.

Shadbhangur jeevan ki kalika, 
Kal pratah ko jaane khili na khili.

Tuesday, 12 June 2018

SitaRam, SitaRam, SitaRam kahiye. Jis vidhi rakhe Rama, tis vidhi rahiye.

SitaRam, SitaRam, SitaRam kahiye
Jis vidhi rakhe Rama, tis vidhi rahiye.

Mukh mein ho tera naam, karu sewa main niskaam,
Main akela nahi jag mein, mere saath SitaRam.
Rama ka vidhan jaan, sukh-dukh sahiye.
Jis vidhi rakhe Rama, tis vidhi rahiye.

Lobh, maya chhod de, tab Rama ko payega,
Hoga pyare wahi, Jo Rama chahega,
Fhal asha tyagkar, Rama sumiran kijiye.
Jis vidhi rakhe Rama, tis vidhi rahiye.

Saup de jeevan dor, Haath Rama ke,
Kahe chhinta tu kare, gunn ga le deenanath ke,
Nirvirvaad, sakaar, SitaRam, SitaRam kahiye.
Jis vidhi rakhe Rama, tis vidhi rahiye.

Mithya hai jag ke naate, jo nisdin bharmaate,
Rehte, haste-gaate, fir sab chhod chale jaate,
Tum ho nirakaar aur sakaar Prabhu tum ho,
Apne bhakton ka, aadhar Prabhu tum ho,
Kaam ras tyaag pyare, Rama ras chakhiye.
Jis vidhi rakhe Rama, tis vidhi rahiye.

SitaRam, SitaRam, SitaRam kahiye
Jis vidhi rakhe Rama, tis vidhi rahiye.