Monday, 18 June 2018

Thakur tum sharnaie aaya..

Thakur tum sharnaie aaya.
Utar gaya mere mann ka sanshey.
Jab te darshan paaya.
Thakur tum sharnaie aaya.

Anbolat mori birtha jaani.
Apna naam japeiya.
Dukh kaate, sukh sehaj samaye.
Anand-Anand gun gaaieya.
Thakur tum sharnaie aaya.

Baah pakad kadi leene apni.
Greh andh-kup te laiya.
Keh ''Nanak" gur bandhan kaate.
Bicharat aan milaieya.
Thakur tum sharnaie aaya.

Wednesday, 13 June 2018

Shadbhangur jeevan ki kalika, Kal pratah ko jaane khili na khili...

Shadbhangur jeevan ki kalika,
Kal pratah ko jaane khili na khili.

Malyachal ki suchi sheetal,
Mand sugandh sameer mili na mili.

Kali, kaal-kutaar liye fhirta,
Tann narm se chot chhili na chhili.

Keh le Hari naam ari rasna,
Fir ant samay mein hili na hili.

Shadbhangur jeevan ki kalika, 
Kal pratah ko jaane khili na khili.

Tuesday, 12 June 2018

SitaRam, SitaRam, SitaRam kahiye. Jis vidhi rakhe Rama, tis vidhi rahiye.

SitaRam, SitaRam, SitaRam kahiye
Jis vidhi rakhe Rama, tis vidhi rahiye.

Mukh mein ho tera naam, karu sewa main niskaam,
Main akela nahi jag mein, mere saath SitaRam.
Rama ka vidhan jaan, sukh-dukh sahiye.
Jis vidhi rakhe Rama, tis vidhi rahiye.

Lobh, maya chhod de, tab Rama ko payega,
Hoga pyare wahi, Jo Rama chahega,
Fhal asha tyagkar, Rama sumiran kijiye.
Jis vidhi rakhe Rama, tis vidhi rahiye.

Saup de jeevan dor, Haath Rama ke,
Kahe chhinta tu kare, gunn ga le deenanath ke,
Nirvirvaad, sakaar, SitaRam, SitaRam kahiye.
Jis vidhi rakhe Rama, tis vidhi rahiye.

Mithya hai jag ke naate, jo nisdin bharmaate,
Rehte, haste-gaate, fir sab chhod chale jaate,
Tum ho nirakaar aur sakaar Prabhu tum ho,
Apne bhakton ka, aadhar Prabhu tum ho,
Kaam ras tyaag pyare, Rama ras chakhiye.
Jis vidhi rakhe Rama, tis vidhi rahiye.

SitaRam, SitaRam, SitaRam kahiye
Jis vidhi rakhe Rama, tis vidhi rahiye.

Monday, 11 June 2018

Sab roothe par Hari na roothe. Sab chhute par Hari na chhute.

Sab roothe par Hari na roothe,
Sab chhute par Hari na chhute.

Jahan-Jahan pade Charan Hari ke,
Jhuke vahin par sheesh hamari.
Meri daulat Hari bhakti hai,
Yeh sampatti koi na loote.
Sab roothe par Hari na roothe,
Sab chhute par Hari na chhute.

Tod ke sab maya bandhan ko,
Sharan mein aaya Hari Charan ko,
Hari prem mein main bandh jau,
Yeh mera saubhagya na chhute.
Sab roothe par Hari na roothe,
Sab chhute par Hari na chhute.

Mujh papi par reham nazar kar,
Patit ko paavan raah dikha kar,
Bhakti bhaav ki bhiksha dekar,
Janam-Maran ka kasht mita de.
Sab roothe par Hari na roothe,
Sab chhute par Hari na chhute.

Mere man-mandir Prabhu Hari,
Kahin kabhi ho jaye na khali,
Udhar Hirday se tum jao aur
Idhar saas ki doori toote.
Sab roothe par Hari na roothe,
Sab chhute par Hari na chhute.

Saturday, 9 June 2018

Hari ka deep jala lena. Chahe shaam ho, Chahe savera ho. Hari ka deep jala lena.

Jab charon taraf andhera ho,
Hari ka deep jala lena.
Chahe shaam ho, chahe savera ho,
Hari ka deep jala lena.

Chhod bhi de zamana to parvah na kar,
Hari tere saath hai to jahan saath-saath hai,
Waqt guzar jayega tera,
Tere sar pe Hari ka haath hai.
Jitna bhi gamo ne ghera ho,
Hari ka deep jala lena.
Chahe shaam ho, chahe savera ho,
Hari ka deep jala lena.

Tujhko jeena hai jee, sabr ke ghoot pi,
Sukr kar tu ki yeh zindagi hil gai,
Sukr kar tu hi Hari sharan mil gai.
Jis haal mein tera basera ho.
Hari ka deep jala lena.
Chahe shaam ho, Chahe savera ho,
Hari ka deep jala lena.

Friday, 8 June 2018

Hey pinjade ki yeh Maina, bhajan kar le Ram ka. Bhajan kar le Ram ka, Bhajan kar le Ram ka.

Hey pinjade ki yeh Maina, bhajan kar le Ram ka...
Bhajan kar le Ram ka, Bhajan kar le Ram ka.

Ram naam anmol ratan hai, Ram naam tu kehna,
Bhavsagar se paar hove to naam Hari ka lena.

Bhai-Bandhu, Kutumb-Kabile koi kisi ko hai na,
Matlab ka sab khel jagat mein, nahi kisi ko rehna.

Kaudi-Kaudi maya jodi, kabhi kisi ko deyi na,
Sab sampatti teri yahi rahegi, nahi kachu lena-dena.

Hey pinjade ki yeh maina bhajan kar le Ram ka.
Bhajan kar le Ram ka, Bhajan kar le Ram ka.

Thursday, 7 June 2018

Hari ka naam japo subah aur shaam japo. Japo to Dil se japo Hari ka naam japo.

Japo to Dil se japo Hari ka naam japo.
Subah ke waqt japo aur har shaam japo.

Yeh naam japne se hote hai, kasht door sabhi,
Yeh naam japne se mil jayenge Sri Hari kabhi.
Hari ka naam japo subah aur shaam japo.
Japo to Dil se japo Hari ka naam japo.

Yeh naam japne se chehare pe noor aata hai,
Yeh naam japne se dil mein suroor aata hai,
Hari ka naam japo subah aur shaam japo.
Japo to Dil se japo Hari ka naam japo.

Yeh naam aisa hai jiski na koi keemat hai,
Yeh naam aisa hai jo khud hi ek daulat hai.
Hari ka naam japo subah aur shaam japo.
Japo to Dil se japo Hari ka naam japo.

Humein to Umar guzar jaati hai, insaan hote,
Unhein to dair nahi hoti meharbaan hote.
Hari ka naam japo subah aur shaam japo.
Japo to Dil se japo Hari ka naam japo.